jhum kar aaj jo matwali ghaTa aai hai

jhuum kar aaj jo matvālī ghaTā aa.ī hai

yaad kyā kyā tirī mastāna adā aa.ī hai

aise nāzuk kabhī pāband-e-hinā hote haiñ

haath dho Daale haiñ rañgat jo zarā aa.ī hai

tum bhī ruḳhsār pe zulfoñ ko zarā bikhrā do

kaalī kaalī sar-e-gulzār ghaTā aa.ī hai

husn-e-aḳhlāq bhī hai husn-e-javānī kī tarah

jhuk ga.ī haiñ tirī āñkheñ jo hayā aa.ī hai

haa.e vo khol ke juuḌā ye kisī kā kahnā

aa.iye so raheñ ab raat sivā aa.ī hai

sach hai tum ne jo lagāyā nahīñ muñh ġhunchoñ ko

unheñ phir kis ke tabassum kī adā aa.ī hai

kis kā dil ḳhuun nahīñ hai chaman-e-ālam meñ

pattī pattī se hameñ bū-e-vafā aa.ī hai

raat bhar girya-e-shabnam se jo ġhunche the udaas

sub.h hote hī hañsāne ko sabā aa.ī hai

sher-ḳhvānī pe tirī sab ko gumāñ hai ki 'jalīl'

bazm meñ rūh-e-amīr-usshuarā aa.ī hai

jhum kar aaj jo matwali ghaTa aai hai

yaad kya kya teri mastana ada aai hai

aise nazuk kabhi paband-e-hina hote hain

hath dho Dale hain rangat jo zara aai hai

tum bhi ruKHsar pe zulfon ko zara bikhra do

kali kali sar-e-gulzar ghaTa aai hai

husn-e-aKHlaq bhi hai husn-e-jawani ki tarah

jhuk gai hain teri aankhen jo haya aai hai

hae wo khol ke juDa ye kisi ka kahna

aaiye so rahen ab raat siwa aai hai

sach hai tum ne jo lagaya nahin munh ghunchon ko

unhen phir kis ke tabassum ki ada aai hai

kis ka dil KHun nahin hai chaman-e-alam mein

patti patti se hamein bu-e-wafa aai hai

raat bhar girya-e-shabnam se jo ghunche the udas

subh hote hi hansane ko saba aai hai

sher-KHwani pe teri sab ko guman hai ki 'jalil'

bazm mein ruh-e-amir-usshuara aai hai