jhum ke jis dam hawa chali thi

jhuum ke jis dam havā chalī thī

mere dil ko bhalī lagī thī

parvāne to lākhoñ meñ the

mahfil meñ ik sham.a jalī thī

sho.aloñ par chalte haiñ kaise

merī aql ye soch rahī thī

sard samāñ thā ghar ke andar

chhat par aa.e dhuup khilī thī

tanhā.ī kahte haiñ jis ko

merī nazar meñ terī kamī thī

'sāhir' us ko gumāñ bahut thā

jis kī patte pe zindagī thī

jhum ke jis dam hawa chali thi

mere dil ko bhali lagi thi

parwane to lakhon mein the

mahfil mein ek shama jali thi

shoalon par chalte hain kaise

meri aql ye soch rahi thi

sard saman tha ghar ke andar

chhat par aae dhup khili thi

tanhai kahte hain jis ko

meri nazar mein teri kami thi

'sahir' us ko guman bahut tha

jis ki patte pe zindagi thi