jhuTa hai jaanta hun magar is ke bawajud
jhūTā hai jāntā huuñ magar is ke bāvajūd
raunaq lagā.e rakhtā hai ik ḳhvāb kā vajūd
us ne kitāb khol ke rakh dī hai shelf meñ
merī qabā-e-vasl ko kab mil sakā vajūd
is baat se hī dekh leñ qurbat hamāre beach
pahnā hai maiñ ne ruuh pe us shaḳhs kā vajūd
phir maiñ karūñ na naaz kyuuñ apnī baḌā.ī par
yazdāñ ne apne haath se sīñchā mirā vajūd
us meñ har ek baat hai par boltā nahīñ
paayā hai mere yaar ne tasvīr sā vajūd
kaise karegā sāmnā duniyā kā ab kamāl
zillat kī gahrī khaa.ī meñ pheñkā gayā vajūd
jhuTa hai jaanta hun magar is ke bawajud
raunaq lagae rakhta hai ek KHwab ka wajud
us ne kitab khol ke rakh di hai shelf mein
meri qaba-e-wasl ko kab mil saka wajud
is baat se hi dekh len qurbat hamare beach
pahna hai main ne ruh pe us shaKHs ka wajud
phir main karun na naz kyun apni baDai par
yazdan ne apne hath se sincha mera wajud
us mein har ek baat hai par bolta nahin
paya hai mere yar ne taswir sa wajud
kaise karega samna duniya ka ab kamal
zillat ki gahri khai mein phenka gaya wajud
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
