jhuTi KHabren ghaDne wale jhuTe sher sunane wale
jhūTī ḳhabreñ ghaḌne vaale jhūTe sher sunāne vaale
logo sabr ki apne kiye kī jald sazā haiñ paane vaale
dard āñkhoñ se bahtā hai aur chehra sab kuchh kahtā hai
ye mat likkho vo mat likkho aa.e baḌe samjhāne vaale
ḳhud kāTeñge apnī mushkil ḳhud pā.eñge apnī manzil
rāhzanoñ se bhī bad-tar haiñ rāh-numā kahlāne vaale
un se pyaar kiyā hai ham ne un kī raah meñ ham baiThe haiñ
nā-mumkin hai jin kā milnā aur nahīñ jo aane vaale
un par bhī hañstī thī duniyā āvāzeñ kastī thī duniyā
'jālib' apnī hī sūrat the ishq meñ jaañ se jaane vaale
jhuTi KHabren ghaDne wale jhuTe sher sunane wale
logo sabr ki apne kiye ki jald saza hain pane wale
dard aankhon se bahta hai aur chehra sab kuchh kahta hai
ye mat likkho wo mat likkho aae baDe samjhane wale
KHud kaTenge apni mushkil KHud paenge apni manzil
rahzanon se bhi bad-tar hain rah-numa kahlane wale
un se pyar kiya hai hum ne un ki rah mein hum baiThe hain
na-mumkin hai jin ka milna aur nahin jo aane wale
un par bhi hansti thi duniya aawazen kasti thi duniya
'jalib' apni hi surat the ishq mein jaan se jaane wale
- Book : Kulliyat-e-Habib Jalib (Pg. 278)
- Author : Habib Jalib
- Publication : Tahir Sons Publishers (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
