jigar aur dil ko bachana bhi hai
jigar aur dil ko bachānā bhī hai
nazar aap hī se milānā bhī hai
mohabbat kā har bhed paanā bhī hai
magar apnā dāman bachānā bhī hai
jo dil tere ġham kā nishāna bhī hai
qatīl-e-jafā-e-zamāna bhī hai
ye bijlī chamaktī hai kyuuñ dam-ba-dam
chaman meñ koī āshiyāna bhī hai
ḳhirad kī itā.at zarūrī sahī
yahī to junūñ kā zamānā bhī hai
na duniyā na uqbā kahāñ jā.iye
kahīñ ahl-e-dil kā Thikānā bhī hai
mujhe aaj sāhil pe rone bhī do
ki tūfān meñ muskurānā bhī hai
zamāne se aage to baḌhiye 'majāz'
zamāne ko aage baḌhānā bhī hai
jigar aur dil ko bachana bhi hai
nazar aap hi se milana bhi hai
mohabbat ka har bhed pana bhi hai
magar apna daman bachana bhi hai
jo dil tere gham ka nishana bhi hai
qatil-e-jafa-e-zamana bhi hai
ye bijli chamakti hai kyun dam-ba-dam
chaman mein koi aashiyana bhi hai
KHirad ki itaat zaruri sahi
yahi to junun ka zamana bhi hai
na duniya na uqba kahan jaiye
kahin ahl-e-dil ka Thikana bhi hai
mujhe aaj sahil pe rone bhi do
ki tufan mein muskurana bhi hai
zamane se aage to baDhiye 'majaz'
zamane ko aage baDhana bhi hai
- Book : Kulliyaat-e-Majaz (Pg. 217)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
