jigar ka jun shama kash ya-rab ho dagh raushan murad hasil

jigar kā juuñ sham.a kaash yā-rab ho daaġh raushan murād hāsil

ki dil ko lau lag rahī yahī hai charāġh raushan murād hāsil

mudām kaifiyyat apne dil meñ mai-e-mohabbat ke nashshe kī hai

ki saaqī is āftāb se hai dimāġh raushan murād hāsil

asīr-e-kunj-e-qafas to ho tum ye andalībo sadā ye bolo

shitāb yā-rab charāġh-e-gul se ho baaġh raushan murād hāsil

lage na kyuuñ aag tere sar se ki ishq meñ maiñ ne paañv rakkhā

bajā hai ai sham.a tujh ko kahnā dimāġh raushan murād hāsil

jo yaar aatā hai mere ghar meñ to jald ḳhāna-ḳharāb uḌ jā

jahāñ meñ terā shugūñ ye sab par hai zaaġh raushan murād hāsil

phire hai ai charḳh tū to bāñdhe shikam pe ḳhurshīd kā ye gurda

kahe na kyūñkar ki gurisna ho charāġh raushan murād hāsil

jahāñ meñ kyā DhūñDhtā phire hai surāġh yārān-e-raftagāñ kā

'nasīr' hai chashm-e-naqsh-e-pā se surāġh raushan murād hāsil

jigar ka jun shama kash ya-rab ho dagh raushan murad hasil

ki dil ko lau lag rahi yahi hai charagh raushan murad hasil

mudam kaifiyyat apne dil mein mai-e-mohabbat ke nashshe ki hai

ki saqi is aaftab se hai dimagh raushan murad hasil

asir-e-kunj-e-qafas to ho tum ye andalibo sada ye bolo

shitab ya-rab charagh-e-gul se ho bagh raushan murad hasil

lage na kyun aag tere sar se ki ishq mein main ne panw rakkha

baja hai ai shama tujh ko kahna dimagh raushan murad hasil

jo yar aata hai mere ghar mein to jald KHana-KHarab uD ja

jahan mein tera shugun ye sab par hai zagh raushan murad hasil

phire hai ai charKH tu to bandhe shikam pe KHurshid ka ye gurda

kahe na kyunkar ki gurisna ho charagh raushan murad hasil

jahan mein kya DhunDhta phire hai suragh yaran-e-raftagan ka

'nasir' hai chashm-e-naqsh-e-pa se suragh raushan murad hasil