jigar mein dard to hai dil mein iztirab to hai
jigar meñ dard to hai dil meñ iztirāb to hai
tumhāre ġham meñ mirī zindagī ḳharāb to hai
maiñ sirf tīra-shabī par yaqīñ nahīñ rakhtā
abhī zamīñ pe chamakne ko āftāb to hai
abhī surūr ke asbāb paa.e jaate haiñ
ki mai-kade meñ surāhī to hai sharāb to hai
har ek shaḳhs zamāne meñ inqilābī hai
ki inqilāb nahīñ fikr-e-inqilāb to hai
guzar rahī hai tasavvur meñ zindagī apnī
ab 'ārzū' na sahī aarzū kā ḳhvāb to hai
jigar mein dard to hai dil mein iztirab to hai
tumhaare gham mein meri zindagi KHarab to hai
main sirf tira-shabi par yaqin nahin rakhta
abhi zamin pe chamakne ko aaftab to hai
abhi surur ke asbab pae jate hain
ki mai-kade mein surahi to hai sharab to hai
har ek shaKHs zamane mein inqilabi hai
ki inqilab nahin fikr-e-inqilab to hai
guzar rahi hai tasawwur mein zindagi apni
ab 'arzu' na sahi aarzu ka KHwab to hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
