ji chahta hai falak pe jaun

Ahmad Nadeem Qasmi

ji chahta hai falak pe jaun

Ahmad Nadeem Qasmi

MORE BY Ahmad Nadeem Qasmi

    chāhtā hai falak pe jā.ūñ

    sūraj ko ġhurūb se bachā.ūñ

    bas merā chale jo gardishoñ par

    din ko bhī na chāñd ko bujhā.ūñ

    maiñ chhoḌ ke sīdhe rāstoñ ko

    bhaTkī huī nekiyāñ kamā.ūñ

    imkān pe is qadar yaqīñ hai

    sahrāoñ meñ biij Daal aa.uuñ

    maiñ shab ke musāfiroñ ḳhātir

    mish.al na mile to ghar jalā.ūñ

    ash.ār haiñ mere isti.āre

    aao tumheñ aa.ine dikhā.ūñ

    yuuñ baT ke bikhar ke rah gayā huuñ

    har shaḳhs meñ apnā aks pā.ūñ

    āvāz jo duuñ kisī ke dar par

    andar se bhī ḳhud nikal ke aa.uuñ

    ai chāragarān-e-asr-e-hāzir

    faulād dil kahāñ se lā.ūñ

    har raat duā karūñ sahar

    har sub.h nayā fareb khā.ūñ

    har jabr pe sabr kar rahā huuñ

    is tarah kahīñ ujaḌ na jā.ūñ

    ronā bhī to tarz-e-guftugū hai

    āñkheñ jo rukeñ to lab hilā.ūñ

    ḳhud ko to 'nadīm' āzmāyā

    ab mar ke ḳhudā ko āzmā.ūñ

    ji chahta hai falak pe jaun

    suraj ko ghurub se bachaun

    bas mera chale jo gardishon par

    din ko bhi na chand ko bujhaun

    main chhoD ke sidhe raston ko

    bhaTki hui nekiyan kamaun

    imkan pe is qadar yaqin hai

    sahraon mein bij Dal aaun

    main shab ke musafiron ki KHatir

    mishal na mile to ghar jalaun

    ashaar hain mere istiare

    aao tumhein aaine dikhaun

    yun baT ke bikhar ke rah gaya hun

    har shaKHs mein apna aks paun

    aawaz jo dun kisi ke dar par

    andar se bhi KHud nikal ke aaun

    ai chaaragaran-e-asr-e-hazir

    faulad ka dil kahan se laun

    har raat dua karun sahar ki

    har subh naya fareb khaun

    har jabr pe sabr kar raha hun

    is tarah kahin ujaD na jaun

    rona bhi to tarz-e-guftugu hai

    aankhen jo ruken to lab hilaun

    KHud ko to 'nadim' aazmaya

    ab mar ke KHuda ko aazmaun

    Videos
    This video is playing from YouTube

    Videos
    This video is playing from YouTube

    Ahmad Nadeem Qasmi

    Ahmad Nadeem Qasmi

    RECITATIONS

    Ahmad Nadeem Qasmi

    Ahmad Nadeem Qasmi

    Ahmad Nadeem Qasmi

    ji chahta hai falak pe jaun Ahmad Nadeem Qasmi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites