ji chahta hai jina jazbaat ke mutabiq
jī chāhtā hai jiinā jazbāt ke mutābiq
hālāt kar rahe haiñ hālāt ke mutābiq
jis darja hijr-rut meñ āñkheñ baras rahī haiñ
ġhazleñ bhī ug rahī haiñ barsāt ke mutābiq
sukh chain aur ḳhushī kā andāza mat lagāo
asbāb o māl-o-zar kī buhtāt ke mutābiq
ho shahr ke mutābiq hāsil har ik sahūlat
māhaul par sukūñ ho dehāt ke mutābiq
dekho ḳhulūs-e-niyat jazbāt aur mohabbat
mat chāhatoñ ko tolo sauġhāt ke mutābiq
chādar hī ke mutābiq phailāo paañv 'rāġhib'
me.ār-e-zīst rakkhā auqāt ke mutābiq
ji chahta hai jina jazbaat ke mutabiq
haalat kar rahe hain haalat ke mutabiq
jis darja hijr-rut mein aankhen baras rahi hain
ghazlen bhi ug rahi hain barsat ke mutabiq
sukh chain aur KHushi ka andaza mat lagao
asbab o mal-o-zar ki buhtat ke mutabiq
ho shahr ke mutabiq hasil har ek sahulat
mahaul par sukun ho dehat ke mutabiq
dekho KHulus-e-niyat jazbaat aur mohabbat
mat chahaton ko tolo saughat ke mutabiq
chadar hi ke mutabiq phailao panw 'raghib'
mear-e-zist rakkha auqat ke mutabiq
- Book : Lafoz Men Ehsas (Pg. 29)
- Author : Iftikhar Raghib
- Publication : Shumaila Printers Delhi (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
