ji kar tamam zindagi zinda-dili se hum

jī kar tamām zindagī zinda-dilī se ham

qissa likheñge tīrgī pe raushnī se ham

ham ko najāt-e-ġham kī tavaqqo hai ḳhud se hī

rakhte nahīñ umiid jahāñ meñ kisī se ham

logoñ ne jo savāl-e-vajūd ab talak kiye

deñge javāb un ke magar ḳhāmushī se ham

aanā hai to ḳhud aa.e samandar hamāre paas

le kar anā chale haiñ ye luuni nadī se ham

ye ḳhaak jism ḳhaak meñ mil jā.egā magar

zinda raheñge mar ke yahīñ shā.erī se ham

is 'ārzū' meñ umr guzārī hai aaj tak

ik din to mil hī jā.eñge apnī ḳhushī se ham

ji kar tamam zindagi zinda-dili se hum

qissa likhenge tirgi pe raushni se hum

hum ko najat-e-gham ki tawaqqo hai KHud se hi

rakhte nahin umid jahan mein kisi se hum

logon ne jo sawal-e-wajud ab talak kiye

denge jawab un ke magar KHamushi se hum

aana hai to KHud aae samandar hamare pas

le kar ana chale hain ye luni nadi se hum

ye KHak jism KHak mein mil jaega magar

zinda rahenge mar ke yahin shaeri se hum

is 'arzu' mein umr guzari hai aaj tak

ek din to mil hi jaenge apni KHushi se hum