ji larazta hai umaDti hui tanhai se
jī laraztā hai umaDtī huī tanhā.ī se
ab nikālo mujhe us raat kī pahnā.ī se
aa.ī yādoñ kī havā ghulne lagā kaan meñ zahr
bujh ga.ī shaam bhī bajtī huī shahnā.ī se
pūchhtā phirtā huuñ galiyoñ ke ujaḌne kā sabab
har taraf jam.a haiñ kyā log tamāshā.ī se
sāmne phailā huā dasht kā sannāTā hai
ab kahāñ bach ke chaleñ ham dil-e-saudā.ī se
ban gayā ek qayāmat dar-e-dil tak aanā
aur guzarnā hai abhī dhyān kī añgnā.ī se
kis tarah apnā banā.eñ use ham ai 'ja.afar'
baat aage na baḌhī jis kī shanāsā.ī se
ji larazta hai umaDti hui tanhai se
ab nikalo mujhe us raat ki pahnai se
aai yaadon ki hawa ghulne laga kan mein zahr
bujh gai sham bhi bajti hui shahnai se
puchhta phirta hun galiyon ke ujaDne ka sabab
har taraf jama hain kya log tamashai se
samne phaila hua dasht ka sannaTa hai
ab kahan bach ke chalen hum dil-e-saudai se
ban gaya ek qayamat dar-e-dil tak aana
aur guzarna hai abhi dhyan ki angnai se
kis tarah apna banaen use hum ai 'jafar'
baat aage na baDhi jis ki shanasai se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
