ji mein chuhlen thin jo kuchh so to gain yar ke sath

jī meñ chuhleñ thiiñ jo kuchh so to ga.iiñ yaar ke saath

sar paTaknā hī paḌā ab dar-o-dīvār ke saath

ik hamīñ ḳhaar the āñkhoñ meñ sabhoñ kī so chale

bulbulo ḳhush raho ab tum gul-o-gulzār ke saath

ḳhār-e-mardūd-e-chaman mujh ko kiyā roz-e-azal

jin ne bhejā hai tujhe gūna-e-gulzār ke saath

maiñ divānā huuñ sadā kā mujhe mat qaid karo

jī nikal jā.egā zanjīr kī jhankār ke saath

yaaro kahte the jo tum lāla-o-gul hai so kahāñ

sar paTakne to na aayā thā meñ kohsār ke saath

haa.e sayyād ye insāf se tere hai ba.iid

yaañ talak kiije sitam apne giraftār ke saath

garche bulbul huuñ maiñ 'qā.em' vale is baaġh ke biich

farq koī na kare gul ko jahāñ ḳhaar ke saath

ji mein chuhlen thin jo kuchh so to gain yar ke sath

sar paTakna hi paDa ab dar-o-diwar ke sath

ek hamin KHar the aankhon mein sabhon ki so chale

bulbulo KHush raho ab tum gul-o-gulzar ke sath

KHar-e-mardud-e-chaman mujh ko kiya roz-e-azal

jin ne bheja hai tujhe guna-e-gulzar ke sath

main diwana hun sada ka mujhe mat qaid karo

ji nikal jaega zanjir ki jhankar ke sath

yaro kahte the jo tum lala-o-gul hai so kahan

sar paTakne to na aaya tha mein kohsar ke sath

hae sayyaad ye insaf se tere hai baid

yan talak kije sitam apne giraftar ke sath

garche bulbul hun main 'qaem' wale is bagh ke bich

farq koi na kare gul ko jahan KHar ke sath