ji to halka hua hai rone se

jī to halkā huā hai rone se

par hai Dartā kisī ko khone se

ham to be-maut mar hī jā.eñge

terī yādoñ se haath dhone se

ab bhulā duuñ ye chāhtā huuñ unheñ

ḳhvāb dekhe the jo salone se

sang-dil mom ho gayā hai miyāñ

aaj ik bevafā ke rone se

chāhtā huuñ ke 'ishq paidā ho

biij chāhat kā dil meñ bone se

zindagī-bhar kī uḌ ga.iiñ nīñdeñ

aaj ik rāt-bhar ke sone se

ḳhuub the jab judā judā the ham

kyā milā ham ko ek hone se

un kī mahfil pe kyā asar hai 'naqī'

mere hone se yā na hone se

ji to halka hua hai rone se

par hai Darta kisi ko khone se

hum to be-maut mar hi jaenge

teri yaadon se hath dhone se

ab bhula dun ye chahta hun unhen

KHwab dekhe the jo salone se

sang-dil mom ho gaya hai miyan

aaj ek bewafa ke rone se

chahta hun ke 'ishq paida ho

bij chahat ka dil mein bone se

zindagi-bhar ki uD gain ninden

aaj ek raat-bhar ke sone se

KHub the jab juda juda the hum

kya mila hum ko ek hone se

un ki mahfil pe kya asar hai 'naqi'

mere hone se ya na hone se