jina marna donon muhaal

jiinā marnā donoñ muhāl

ishq bhī hai kyā jī kā vabāl

māl-o-manāl-o-jāh-o-jalāl

apnī nazar meñ vahm-o-ḳhayāl

ham na samajh paa.e ab tak

duniyā kī shatranjī chaal

kuchh to shah bhī tumhārī thī

varna dil kī aur ye majāl

kis kis se ham nibteñge

ek hai jaan aur sau janjāl

mast ko girne de saaqī

haañ us ke shā.er ko sambhāl

ham aur ḳhauf-e-rusvā.ī

nāseh bhī kartā hai kamāl

un kī nazar se gir gayā jab

shīsha-e-dil meñ aayā baal

kuchh duniyā ke kuchh dil ke

rog liye haiñ ham ne paal

saaqī sāġhar bhar de jald

Dhaal nigāhoñ se bhī Dhaal

umr to kyā paa.ī hai magar

guzre haiñ kuchh māh-o-sāl

sab dil kī nādānī hai

kaisā firāq aur kis kā visāl

apnī vafā bhī nirālī hai

un kī jafā bhī be-timsāl

ek nigah kī gardish ne

kyā kyā fitne diye haiñ uchhāl

'kaif'-e-hazīñ-o-ḳhasta kī yaad

mumkin ho to dil se nikāl

jina marna donon muhaal

ishq bhi hai kya ji ka wabaal

mal-o-manal-o-jah-o-jalal

apni nazar mein wahm-o-KHayal

hum na samajh pae ab tak

duniya ki shatranji chaal

kuchh to shah bhi tumhaari thi

warna dil ki aur ye majal

kis kis se hum nibtenge

ek hai jaan aur sau janjal

mast ko girne de saqi

han us ke shaer ko sambhaal

hum aur KHauf-e-ruswai

naseh bhi karta hai kamal

un ki nazar se gir gaya jab

shisha-e-dil mein aaya baal

kuchh duniya ke kuchh dil ke

rog liye hain hum ne pal

saqi saghar bhar de jald

Dhaal nigahon se bhi Dhaal

umr to kya pai hai magar

guzre hain kuchh mah-o-sal

sab dil ki nadani hai

kaisa firaq aur kis ka visal

apni wafa bhi nirali hai

un ki jafa bhi be-timsal

ek nigah ki gardish ne

kya kya fitne diye hain uchhaal

'kaif'-e-hazin-o-KHasta ki yaad

mumkin ho to dil se nikal