jine pe jo uksae wo uljhan bhi nahin hai

jiine pe jo uksā.e vo uljhan bhī nahīñ hai

is shahr meñ merā koī dushman bhī nahīñ hai

sūkhe hue kuchh phuul na pighlī huī sham.eñ

allāh vo sahrā ki jo madfan bhī nahīñ hai

hamsā.e kī sūrat koī dekhe bhī to kyūñkar

dīvār vo haa.il hai ki rauzan bhī nahīñ hai

ab apnā janāza liye bāzār meñ ghūmo

jāoge kahāñ shahr meñ madfan bhī nahīñ hai

DhūñDūñ to kahāñ kho.e hue zehn ko 'afsar'

hāthoñ meñ mire soch kā dāman bhī nahīñ hai

jine pe jo uksae wo uljhan bhi nahin hai

is shahr mein mera koi dushman bhi nahin hai

sukhe hue kuchh phul na pighli hui shamen

allah wo sahra ki jo madfan bhi nahin hai

hamsae ki surat koi dekhe bhi to kyunkar

diwar wo hail hai ki rauzan bhi nahin hai

ab apna janaza liye bazar mein ghumo

jaoge kahan shahr mein madfan bhi nahin hai

DhunDun to kahan khoe hue zehn ko 'afsar'

hathon mein mere soch ka daman bhi nahin hai