jiwan ka ye khel tamasha yunhi chalta rahta hai

jīvan kā ye khel tamāshā yūñhī chaltā rahtā hai

din phirte haiñ logoñ meñ aur vaqt badaltā rahtā hai

yāroñ se ham vaqt-e-balā meñ āñkheñ pher to lete haiñ

lekin ik an-jānā sā dukh dil meñ paltā rahtā hai

nazreñ ḳhīra kar detī hai ek jhalak lailāoñ kī

aur phir insāñ puurā jīvan āñkheñ maltā rahtā hai

muft kā rog na paalo dil meñ jī ko mat halkān karo

duniyā kā har chaḌhtā sūraj āḳhir Dhaltā rahtā hai

hijr kī āñdhī aisī aa.ī sab kuchh le kar saath ga.ī

phir bhī dil meñ aas kā dīpak bujhtā jaltā rahtā hai

log chhupā.e phirte haiñ patthar kī siloñ ko sīnoñ meñ

ek hamārā dil bechāra aag ugaltā rahtā hai

jiwan ka ye khel tamasha yunhi chalta rahta hai

din phirte hain logon mein aur waqt badalta rahta hai

yaron se hum waqt-e-bala mein aankhen pher to lete hain

lekin ek an-jaana sa dukh dil mein palta rahta hai

nazren KHira kar deti hai ek jhalak lailaon ki

aur phir insan pura jiwan aankhen malta rahta hai

muft ka rog na palo dil mein ji ko mat halkan karo

duniya ka har chaDhta suraj aaKHir Dhalta rahta hai

hijr ki aandhi aisi aai sab kuchh le kar sath gai

phir bhi dil mein aas ka dipak bujhta jalta rahta hai

log chhupae phirte hain patthar ki silon ko sinon mein

ek hamara dil bechaara aag ugalta rahta hai