jiwan ke safar mein rahi milte hain bichhaD jaane ko

jīvan ke safar meñ raahī milte haiñ bichhaḌ jaane ko

aur de jaate haiñ yādeñ tanhā.ī meñ taḌpāne ko

ye ruup kī daulat vaale kab sunte haiñ dil ke naale

taqdīr na bas meñ Daale in ke kisī dīvāne ko

jo in kī nazar se khele dukh paa.e musībat jhele

phirte haiñ ye sab albele dil le ke mukar jaane ko

dil le ke daġhā dete haiñ ik rog lagā dete haiñ

hañs-hañs ke jalā dete haiñ ye husn ke parvāne ko

ab saath na guzreñge ham lekin ye fazā rātoñ kī

dohrāyā karegī har-dam is pyaar ke afsāne ko

ro-ro ke inhīñ rāhoñ meñ khonā paḌā ik apne ko

hañs-hañs ke inhīñ rāhoñ meñ apnāyā thā begāne ko

tum apnī na.ī duniyā meñ kho jaao parā.e ban kar

jī paa.e to ham jī leñge marne kī sazā paane ko

jiwan ke safar mein rahi milte hain bichhaD jaane ko

aur de jate hain yaaden tanhai mein taDpane ko

ye rup ki daulat wale kab sunte hain dil ke nale

taqdir na bas mein Dale in ke kisi diwane ko

jo in ki nazar se khele dukh pae musibat jhele

phirte hain ye sab albele dil le ke mukar jaane ko

dil le ke dagha dete hain ek rog laga dete hain

hans-hans ke jala dete hain ye husn ke parwane ko

ab sath na guzrenge hum lekin ye faza raaton ki

dohraya karegi har-dam is pyar ke afsane ko

ro-ro ke inhin rahon mein khona paDa ek apne ko

hans-hans ke inhin rahon mein apnaya tha begane ko

tum apni nai duniya mein kho jao parae ban kar

ji pae to hum ji lenge marne ki saza pane ko