jin ka shu’ur-e-umr hai bas ek raat ka

jin kā shu’ūr-e-umr hai bas ek raat kā

naqsha uThā.e phirte haiñ vo kā.enāt kā

koī dilāsa ġham na ġhalat kar sakā mirā

maiñ farq jāntā thā namak aur dhaat kā

terī basārateñ mirī vus'at se chhoTī haiñ

maiñ āḳhirī kināra huuñ is kā.enāt kā

apne liye fazā.eñ alag DhūñDhtā huuñ maiñ

mujh ko yaqīñ nahīñ hai tire mo'jizāt kā

kaun-o-makāñ meñ phailī huī hai mirī mahak

khiltā huā gulāb huuñ maiñ us ke haat kā

ye kā.enāt jis kī chamak se chamak uThī

vo ek buuñd paanī thā paanī bhī raat kā

jin ka shu’ur-e-umr hai bas ek raat ka

naqsha uThae phirte hain wo kaenat ka

koi dilasa gham na ghalat kar saka mera

main farq jaanta tha namak aur dhat ka

teri basaraten meri wus'at se chhoTi hain

main aaKHiri kinara hun is kaenat ka

apne liye fazaen alag DhunDhta hun main

mujh ko yaqin nahin hai tere mo'jizat ka

kaun-o-makan mein phaili hui hai meri mahak

khilta hua gulab hun main us ke hat ka

ye kaenat jis ki chamak se chamak uThi

wo ek bund pani tha pani bhi raat ka