جن کی خاطر سب سے بیگانے ہوئے
جن کی خاطر سب سے بیگانے ہوئے
ہائے وہ لمحے بھی افسانے ہوئے
پھر کسی کے ہو نہ پائے عمر بھر
آپ کے ہو کر جو بیگانے ہوئے
کس سے کہئے اپنے قاتل ہیں وہی
تھے مسیحا جن کو گردانے ہوئے
دیکھتے تھے ہم نگاہ راہبر
ورنہ تھے رہزن تو پہچانے ہوئے
اب قفس کی زندگی سے کیا گریز
جب یہیں تقدیر کے دانے ہوئے
سو رہا ہے نوع آدم کا ضمیر
اک ردائے بے حسی تانے ہوئے
ہو گئے افضلؔ وطن میں اجنبی
ہر گلی کے جانے پہچانے ہوئے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
