jin se rabt-e-KHas ho kyon mujhko begana kahen

jin se rabt-e-ḳhās ho kyoñ mujh ko begāna kaheñ

apnā dīvāna banāyā hai to dīvāna kaheñ

ban kar armān-e-mohabbat jo diloñ par chhā sake

kahne vaale bhī kaheñ to aisā afsāna kaheñ

be-ḳhabar hai apne andāz-e-dil-ārā.ī se husn

kyoñ na us ko ishq se bhī baḌh ke dīvāna kaheñ

dil kī betābi kā raaz aur us kī barbādī kā haal

sun sako ham se to afsāna-dar-afsāna kaheñ

jaan se baḌh kar haiñ pyāre dil se baḌh kar haiñ aziiz

mahfil-e-ahbāb meñ ham kis ko begāna kaheñ

dars-e-ulfat hai zamāne ke liye merā junūñ

shauq se ahl-e-basīrat mujh ko dīvāna kaheñ

iltijā-e-shauq ho lab par na arz-e-mudda.ā

kaif-āvar ho jo ham nazroñ se afsāna kaheñ

jhuk gayā sar arz-e-matlab par barā-e-iḳhtisār

ham ne chāhā thā ki afsāna-dar-afsāna kaheñ

kaif kī dariyā bahā detī hai saaqī kī nazar

kyoñ na ham ai mai-parastoñ is ko mai-ḳhāna kaheñ

dil-navāzī dilbarī kī us se kyā ummīd ho

jo hamārī sarguzisht-e-ġham ko afsāna kaheñ

ne.amat-e-ġham se jo dil mahrūm ho vo dil nahīñ

jaam ḳhālī ho to kyoñ kar us ko paimāna kaheñ

kuchh lihāz-e-jazb-e-ulfat kuchh ḳhayāl-e-zabt-e-shauq

kis tarah ham un se apne ġham kā afsāna kaheñ

ye bhī us kā naqsh hai to vo bhī us kā aks hai

farq hī kyā hai haram samjheñ ki but-ḳhāna kaheñ

ek armāñ ho to us kī be-kasī ko roiye

umr bhar ke hādsoñ kā kyūñ-kar afsāna kaheñ

jo bhī haiñ sub.h-e-vatan hī ke parastāroñ meñ haiñ

kin se ham ai shām-e-ġhurbat terā afsāna kaheñ

un se kahiye bhī to kahiye hāl-e-dil kyā ai 'kañval'

jo hamārī har haqīqat ko ik afsāna kaheñ

jin se rabt-e-KHas ho kyon mujh ko begana kahen

apna diwana banaya hai to diwana kahen

ban kar arman-e-mohabbat jo dilon par chha sake

kahne wale bhi kahen to aisa afsana kahen

be-KHabar hai apne andaz-e-dil-arai se husn

kyon na us ko ishq se bhi baDh ke diwana kahen

dil ki betabi ka raaz aur us ki barbaadi ka haal

sun sako hum se to afsana-dar-afsana kahen

jaan se baDh kar hain pyare dil se baDh kar hain aziz

mahfil-e-ahbab mein hum kis ko begana kahen

dars-e-ulfat hai zamane ke liye mera junun

shauq se ahl-e-basirat mujh ko diwana kahen

iltija-e-shauq ho lab par na arz-e-muddaa

kaif-awar ho jo hum nazron se afsana kahen

jhuk gaya sar arz-e-matlab par bara-e-iKHtisar

hum ne chaha tha ki afsana-dar-afsana kahen

kaif ki dariya baha deti hai saqi ki nazar

kyon na hum ai mai-paraston is ko mai-KHana kahen

dil-nawazi dilbari ki us se kya ummid ho

jo hamari sarguzisht-e-gham ko afsana kahen

neamat-e-gham se jo dil mahrum ho wo dil nahin

jam KHali ho to kyon kar us ko paimana kahen

kuchh lihaz-e-jazb-e-ulfat kuchh KHayal-e-zabt-e-shauq

kis tarah hum un se apne gham ka afsana kahen

ye bhi us ka naqsh hai to wo bhi us ka aks hai

farq hi kya hai haram samjhen ki but-KHana kahen

ek arman ho to us ki be-kasi ko roiye

umr bhar ke hadson ka kyun-kar afsana kahen

jo bhi hain subh-e-watan hi ke parastaron mein hain

kin se hum ai sham-e-ghurbat tera afsana kahen

un se kahiye bhi to kahiye haal-e-dil kya ai 'kanwal'

jo hamari har haqiqat ko ek afsana kahen