jin se ummid-e-karam thi wo sitamgar nikle

jin se ummīd-e-karam thī vo sitamgar nikle

ham jinheñ phuul samajhte the vo patthar nikle

ġham ke parde meñ nihāñ ḳhushiyoñ ke manzar nikle

is añdhere meñ ujāloñ ke samundar nikle

chal rahī hai yahāñ har samt balā kī āñdhī

ḳhair is meñ hai koī ghar se na bāhar nikle

merī achchhā.ī chhupā lī mire ham-dardoñ ne

merī rusvā.ī baḌī dhuum se le kar nikle

kitne armān se dāman pe sajāyā thā unheñ

haa.e ye phuul to kāñTe se bhī bad-tar nikle

maiñ ne jin hāthoñ ko mazbūt kiyā thā 'nayyar'

aaj un hāthoñ se mere liye ḳhanjar nikle

jin se ummid-e-karam thi wo sitamgar nikle

hum jinhen phul samajhte the wo patthar nikle

gham ke parde mein nihan KHushiyon ke manzar nikle

is andhere mein ujalon ke samundar nikle

chal rahi hai yahan har samt bala ki aandhi

KHair is mein hai koi ghar se na bahar nikle

meri achchhai chhupa li mere ham-dardon ne

meri ruswai baDi dhum se le kar nikle

kitne arman se daman pe sajaya tha unhen

hae ye phul to kanTe se bhi bad-tar nikle

main ne jin hathon ko mazbut kiya tha 'nayyar'

aaj un hathon se mere liye KHanjar nikle