jin zaKHmon par tha naz hamein wo zaKHm bhi bharte jate hain

jin zaḳhmoñ par thā naaz hameñ vo zaḳhm bhī bharte jaate haiñ

sāñseñ haiñ ki ghaTtī jaatī haiñ din haiñ ki guzarte jaate haiñ

dīvār hai gum-sum dar tanhā phir hote chale haiñ shajar tanhā

kuchh dhuup sī Dhaltī jaatī hai kuchh saa.e utarte jaate haiñ

ham yūñhī nahīñ haiñ sust-qadam ham jānte haiñ fardā kyā hai

shāyad koī de āvāz hameñ rah rah ke Thaharte jaate haiñ

āvāz vo shīsha-e-nāzuk hai mehrāb-e-nazar meñ rahne de

kyuuñ farsh samā.at par gir kar reze ye bikharte jaate haiñ

ro.eñ yā hañseñ is hālat par ehsās ye hotā hai aksar

va.ada to kisī se 'shāz' na thā ham haiñ ki mukarte jaate haiñ

jin zaKHmon par tha naz hamein wo zaKHm bhi bharte jate hain

sansen hain ki ghaTti jati hain din hain ki guzarte jate hain

diwar hai gum-sum dar tanha phir hote chale hain shajar tanha

kuchh dhup si Dhalti jati hai kuchh sae utarte jate hain

hum yunhi nahin hain sust-qadam hum jaante hain farda kya hai

shayad koi de aawaz hamein rah rah ke Thaharte jate hain

aawaz wo shisha-e-nazuk hai mehrab-e-nazar mein rahne de

kyun farsh samaat par gir kar reze ye bikharte jate hain

roen ya hansen is haalat par ehsas ye hota hai aksar

wada to kisi se 'shaz' na tha hum hain ki mukarte jate hain