جنہیں ہم مان بیٹھے تھے ہمارے
وہ دشمن بن گئے سارے کے سارے
بڑا مجبور ہے یہ ابن آدم
زمیں پر عرش سے کس کو اتارے
نظر آتی نہیں اب جن کی صورت
کہاں ہیں وہ مرے دلبر دلارے
اسی نے مجھ کو الجھائے رکھا ہے
وہ جس کے مدتوں گیسو سنوارے
اماں دیں گے اگر اہل زمانہ
تو جی لیں گے محبت کے یہ مارے
وطن سے دور اک آفت کا مارا
دیار غیر میں کس کو پکارے
سہارا ہے ملکؔ وہ رب داور
جئے جاتے ہیں ہم جس کے سہارے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
