jinhen hum zindagani mein sada dil mein basate hain

jinheñ ham zindagānī meñ sadā dil meñ basāte haiñ

na jaane kyoñ hameñ vo ḳhuun ke aañsū rulāte haiñ

ḳhudā kā vāsta hai ab to aa jā mere maskan meñ

ki terā rāsta ham apnī palkoñ se sajāte haiñ

mahāz-e-ishq meñ dushvāriyāñ to sab ko miltī haiñ

magar jo hoñ qadam sābit vahī manzil ko paate haiñ

na jaane kitne ghar sailāb ne ġharqāb kar Daale

ajab haiñ log phir bhī ghar lab-e-sāhil banāte haiñ

hayāt-o-marg jin ke naam ham ne apnī kar Daalī

sazā vo qatl hone kī sar-e-mahfil sunāte haiñ

chhupā kar ashk āñkhoñ meñ 'hirā' ab sochtī huuñ ye

nahīñ hotī haiñ jab jaa.eñ to dukh kis ko sunāte haiñ

jinhen hum zindagani mein sada dil mein basate hain

na jaane kyon hamein wo KHun ke aansu rulate hain

KHuda ka wasta hai ab to aa ja mere maskan mein

ki tera rasta hum apni palkon se sajate hain

mahaz-e-ishq mein dushwariyan to sab ko milti hain

magar jo hon qadam sabit wahi manzil ko pate hain

na jaane kitne ghar sailab ne gharqab kar Dale

ajab hain log phir bhi ghar lab-e-sahil banate hain

hayat-o-marg jin ke nam hum ne apni kar Dali

saza wo qatl hone ki sar-e-mahfil sunate hain

chhupa kar ashk aankhon mein 'hira' ab sochti hun ye

nahin hoti hain jab jaen to dukh kis ko sunate hain