jinhen tha faKHr nawab-o-najib hote hain

jinheñ thā faḳhr navāb-o-najīb hote haiñ

ab un ke ghar meñ tamāshe ajiib hote haiñ

yazīd-e-vaqt ko jo barmalā hī Tok sake

raqam vo naam hī zer-e-salīb hote haiñ

vo jan ko tū ne baḌā dil diyā hai mere ḳhudā

to kyuuñ ye hotā hai aksar ġharīb hote haiñ

jo log maz.hab-o-maslak kī had se uupar haiñ

hamāre dil ke vo yaksar qarīb hote haiñ

duāoñ meñ jinheñ maañ baap yaad hī na rakheñ

amīr-e-vaqt hoñ lekin ġharīb hote haiñ

jinhen tha faKHr nawab-o-najib hote hain

ab un ke ghar mein tamashe ajib hote hain

yazid-e-waqt ko jo barmala hi Tok sake

raqam wo nam hi zer-e-salib hote hain

wo jan ko tu ne baDa dil diya hai mere KHuda

to kyun ye hota hai aksar gharib hote hain

jo log mazhab-o-maslak ki had se upar hain

hamare dil ke wo yaksar qarib hote hain

duaon mein jinhen man bap yaad hi na rakhen

amir-e-waqt hon lekin gharib hote hain