jis din se mera KHwab suhana badal gaya

jis din se merā ḳhvāb suhānā badal gayā

us din se zindagī kā fasāna badal gayā

sunñe lagā huuñ jab se nasīhat baḌoñ kī maiñ

jaarī thā jo laboñ pe tarāna badal gayā

pahchān kā havāla bhī baaqī nahīñ rahā

chehre ke saath ā.ina-ḳhāna badal gayā

uThtī nahīñ hai aañkh bhī ab āsmāñ kī samt

jab se galī kā chāñd purānā badal gayā

tahzīb jin ke ghar kī 'alāmat thī kal talak

afsos aaj un kā gharānā badal gayā

'azmat kā taaj sar pe hai 'akhilesh' ke sajā

aisī havā chalī ki zamāna badal gayā

itnī sharāfatoñ meñ kamī aa ga.ī hai aaj

pahle thā jo libās purānā badal gayā

ahl-e-vafā ne jis kī thī tārīḳh kī raqam

'fārūq' 'ishq kā vo fasāna badal gayā

jis din se mera KHwab suhana badal gaya

us din se zindagi ka fasana badal gaya

sunne laga hun jab se nasihat baDon ki main

jari tha jo labon pe tarana badal gaya

pahchan ka hawala bhi baqi nahin raha

chehre ke sath aaina-KHana badal gaya

uThti nahin hai aankh bhi ab aasman ki samt

jab se gali ka chand purana badal gaya

tahzib jin ke ghar ki 'alamat thi kal talak

afsos aaj un ka gharana badal gaya

'azmat ka taj sar pe hai 'akhilesh' ke saja

aisi hawa chali ki zamana badal gaya

itni sharafaton mein kami aa gai hai aaj

pahle tha jo libas purana badal gaya

ahl-e-wafa ne jis ki thi tariKH ki raqam

'faruq' 'ishq ka wo fasana badal gaya