jis ghaDi tere aastan se gae

jis ghaḌī tere āstāñ se ga.e

ham ne jaanā ki do jahāñ se ga.e

tere kūche meñ naqsh-e-pā kī tarah

aise baiThe ki phir na vaañ se ga.e

sham.a kī tarah rafta rafta ham

aise guzre ki jism o jaañ se ga.e

ek din maiñ ne yaar se ye kahā

ab to ham tāqat-o-tavāñ se ga.e

hañs ke bolā ki sun le ai 'āsif'

yahī kah kah ke lākhoñ jaañ se ga.e

jis ghaDi tere aastan se gae

hum ne jaana ki do jahan se gae

tere kuche mein naqsh-e-pa ki tarah

aise baiThe ki phir na wan se gae

shama ki tarah rafta rafta hum

aise guzre ki jism o jaan se gae

ek din main ne yar se ye kaha

ab to hum taqat-o-tawan se gae

hans ke bola ki sun le ai 'asif'

yahi kah kah ke lakhon jaan se gae