jis jagah bhi mila ghana saya

jis jagah bhī milā ghanā saayā

ham ne kuchh der ko sukūñ paayā

ham naved-e-sahar meñ ġhaltāñ the

zulmat-e-shab ne aa ke chauñkāyā

ham muqaddar haiñ dhuup kā yaaro

ham pe hañstā hai kis liye saayā

ho chale the dayār-e-ġhair ke ham

terī yādoñ ne daam phailāyā

ham ghanī chhāñv se nikal bhāge

jab bhī sūraj uruuj par aayā

jis jagah bhi mila ghana saya

hum ne kuchh der ko sukun paya

hum nawed-e-sahar mein ghaltan the

zulmat-e-shab ne aa ke chaunkaya

hum muqaddar hain dhup ka yaro

hum pe hansta hai kis liye saya

ho chale the dayar-e-ghair ke hum

teri yaadon ne dam phailaya

hum ghani chhanw se nikal bhage

jab bhi suraj uruj par aaya