jis jagah rahna samundar rahna

jis jagah rahnā samundar rahnā

aur pyāsoñ ko mayassar rahnā

paañv chādar se na bāhar nikle

apnī auqāt ke andar rahnā

ghar se mahrūm na kar de tum ko

ye shab-o-roz kā bāhar rahnā

apne pairoñ pe khaḌe ho jaao

kab talak bojh kisī par rahnā

tum ko da.avā hai dilerī kā agar

nā-tavāñ log se dab kar rahnā

sab ko hotī hai nasheman kī talab

chāhtā kaun hai be-ghar rahnā

mujh pe aaseb hai nādārī kā

tum mire saa.e se bach kar rahnā

ye to kāñToñ kā muqaddar hai 'zafar'

phuul ke paas barābar rahnā

jis jagah rahna samundar rahna

aur pyason ko mayassar rahna

panw chadar se na bahar nikle

apni auqat ke andar rahna

ghar se mahrum na kar de tum ko

ye shab-o-roz ka bahar rahna

apne pairon pe khaDe ho jao

kab talak bojh kisi par rahna

tum ko dawa hai dileri ka agar

na-tawan log se dab kar rahna

sab ko hoti hai nasheman ki talab

chahta kaun hai be-ghar rahna

mujh pe aaseb hai nadari ka

tum mere sae se bach kar rahna

ye to kanTon ka muqaddar hai 'zafar'

phul ke pas barabar rahna