jis ke dil mein koi arman nahin hota hai
jis ke dil meñ koī armān nahīñ hotā hai
merī nazroñ meñ vo insān nahīñ hotā hai
ḳhud-kushī jurm samajhte haiñ zamāne vaale
jaan denā koī āsān nahīñ hotā hai
har ghaḌī dil meñ rahā kartā hai yādoñ kā hujūm
ye vo ghar hai kabhī vīrān nahīñ hotā hai
bhūlī-bisrī huī yādeñ bhī rulā detī haiñ
be-sabab koī pareshān nahīñ hotā hai
vahshat-e-dil kā taqāza hai ki bas pyaar karo
pyaar ke saude meñ nuqsān nahīñ hotā hai
umr-bhar ke liye aa jaao mire dil meñ raho
apne ghar meñ koī mehmān nahīñ hotā hai
husn-e-aḳhlāq se māñ-bāp kī ḳhidmat karnā
farz to hotā hai ehsān nahīñ hotā hai
jis ke dil mein koi arman nahin hota hai
meri nazron mein wo insan nahin hota hai
KHud-kushi jurm samajhte hain zamane wale
jaan dena koi aasan nahin hota hai
har ghaDi dil mein raha karta hai yaadon ka hujum
ye wo ghar hai kabhi viran nahin hota hai
bhuli-bisri hui yaaden bhi rula deti hain
be-sabab koi pareshan nahin hota hai
wahshat-e-dil ka taqaza hai ki bas pyar karo
pyar ke saude mein nuqsan nahin hota hai
umr-bhar ke liye aa jao mere dil mein raho
apne ghar mein koi mehman nahin hota hai
husn-e-aKHlaq se man-bap ki KHidmat karna
farz to hota hai ehsan nahin hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
