jis ke iman par but-e-kafar hanse

jis ke īmāñ par but-e-kāfar hañse

allāh allāh vo hañse kyūñkar hañse

husn-e-māh-o-māhvash sehr-āfrīñ

haa.e jādūgar pe jādūgar hañse

qulqul-e-mīnā dikhā.e jab asar

maiñ hañsūñ saaqī hañse sāġhar hañse

kyūñkar aatī hai hañsī kis ko ḳhabar

un pe maiñ hairāñ huuñ jo mujh par hañse

ik pate kī baat kahtā huuñ suno

koī hañs kar ro.e yā ro kar hañse

ik pata kī baat kahtā huuñ suno

koī hañs kar ro.e yaaro kar hañse

phabtiyāñ kahne pe maiñ aa.uuñ agar

vā.iz-e-zīshāñ sar-e-mimbar hañse

kyā ḳhabar 'manzūr' hai kis dhyān meñ

vo to vo zāhid farishtoñ par hañse

jis ke iman par but-e-kafar hanse

allah allah wo hanse kyunkar hanse

husn-e-mah-o-mahwash sehr-afrin

hae jadugar pe jadugar hanse

qulqul-e-mina dikhae jab asar

main hansun saqi hanse saghar hanse

kyunkar aati hai hansi kis ko KHabar

un pe main hairan hun jo mujh par hanse

ek pate ki baat kahta hun suno

koi hans kar roe ya ro kar hanse

ek pata ki baat kahta hun suno

koi hans kar roe yaro kar hanse

phabtiyan kahne pe main aaun agar

waiz-e-zishan sar-e-mimbar hanse

kya KHabar 'manzur' hai kis dhyan mein

wo to wo zahid farishton par hanse