jis ki ba-KHuda us but-e-kafir pe nazar hai

jis kī ba-ḳhudā us but-e-kāfir pe nazar hai

chhātī hai pahāḌ us kī to patthar kā jigar hai

ai dil dur-e-dandāñ ko zarā dekh to us ke

kyā durj meñ yāqūt kī ye silk-e-guhar hai

kyā saaf kahūñ yaar ke ruḳhsār kā ausāf

ik ġhairat-e-ḳhurshīd hai ek rashk-e-qamar hai

bīnā.ī kahāñ itnī nazar aa.e jo mujh ko

bārīk rag-e-jāñ se bhī kuchh us kī kamar hai

kartā hai dilā kis liye tū yaar ko badnām

baa.is tirī rusvā.ī kā ye dīda-e-tar hai

samjhūñ na judā.ī ko maiñ kyoñ vasl se behtar

sūrat tirī āñkhoñ ke tale aaTh pahar hai

rotā hai vo hasrat pe tirī soḳhta-jāñ kī

juuñ sham-e-sahar jo koī sargarm-e-safar hai

jis ki ba-KHuda us but-e-kafir pe nazar hai

chhati hai pahaD us ki to patthar ka jigar hai

ai dil dur-e-dandan ko zara dekh to us ke

kya durj mein yaqut ki ye silk-e-guhar hai

kya saf kahun yar ke ruKHsar ka ausaf

ek ghairat-e-KHurshid hai ek rashk-e-qamar hai

binai kahan itni nazar aae jo mujh ko

barik rag-e-jaan se bhi kuchh us ki kamar hai

karta hai dila kis liye tu yar ko badnam

bais teri ruswai ka ye dida-e-tar hai

samjhun na judai ko main kyon wasl se behtar

surat teri aankhon ke tale aaTh pahar hai

rota hai wo hasrat pe teri soKHta-jaan ki

jun sham-e-sahar jo koi sargarm-e-safar hai