jis ko apna kah sakun koi jahan aisa to ho

jis ko apnā kah sakūñ koī jahāñ aisā to ho

jab zamīñ aisī nahīñ hai āsmāñ aisā to ho

sar chhupāne ko zamīñ par ik makāñ aisā to ho

sā.ebāñ kā shak ho jis par sā.ebāñ aisā to ho

mehrbāñ koī nahīñ duniyā meñ ye sach hai magar

vaqt par kaam aa.e koī mehrbāñ aisā to ho

jis tarah aatī hai har dam mere āñgan meñ sabā

terī aahaT kā kabhī dil meñ gumāñ aisā to ho

sham.a vo apne hī hāthoñ se bujhā kar kah ga.e

kam se kam uThtā huā dil se dhuāñ aisā to ho

sab ko ho tark-e-ta.alluq par ta.alluq kā gumāñ

kuchh na kuchh rabt-o-ta.alluq darmiyāñ aisā to ho

jis ko apna kah sakun koi jahan aisa to ho

jab zamin aisi nahin hai aasman aisa to ho

sar chhupane ko zamin par ek makan aisa to ho

saeban ka shak ho jis par saeban aisa to ho

mehrban koi nahin duniya mein ye sach hai magar

waqt par kaam aae koi mehrban aisa to ho

jis tarah aati hai har dam mere aangan mein saba

teri aahaT ka kabhi dil mein guman aisa to ho

shama wo apne hi hathon se bujha kar kah gae

kam se kam uThta hua dil se dhuan aisa to ho

sab ko ho tark-e-talluq par talluq ka guman

kuchh na kuchh rabt-o-talluq darmiyan aisa to ho