jis ko apna naqsh-e-pa milta nahin

jis ko apnā naqsh-e-pā miltā nahīñ

us ko manzil kā pata miltā nahīñ

ab to bazm-e-nāz meñ bhī aap kī

mere dil ko aasrā miltā nahīñ

zarre zarre se tajallī hai ayaañ

kaun kahtā hai ḳhudā miltā nahīñ

yād-e-jānāñ kī ināyat dekhiye

zaḳhm-e-dil ko aa.ina miltā nahīñ

kal to mil jaate the har ek moḌ par

aaj koī rahnumā miltā nahīñ

is jahān-e-ġhair meñ apnā mujhe

koī bhī ġham ke sivā miltā nahīñ

kyā patā un kā batā.egā bhalā

'shād' ko ḳhud kā pata miltā nahīñ

jis ko apna naqsh-e-pa milta nahin

us ko manzil ka pata milta nahin

ab to bazm-e-naz mein bhi aap ki

mere dil ko aasra milta nahin

zarre zarre se tajalli hai ayan

kaun kahta hai KHuda milta nahin

yaad-e-jaanan ki inayat dekhiye

zaKHm-e-dil ko aaina milta nahin

kal to mil jate the har ek moD par

aaj koi rahnuma milta nahin

is jahan-e-ghair mein apna mujhe

koi bhi gham ke siwa milta nahin

kya pata un ka bataega bhala

'shad' ko KHud ka pata milta nahin