جس کو بھی دیکھا ترے حسن پہ مائل دیکھا

جس کو بھی دیکھا ترے حسن پہ مائل دیکھا

کوئی ناکام تمنا کوئی بسمل دیکھا

جان پروانے نے دی شمع پہ جل کر جس وقت

ہم نے اس وقت تنفر سے سوئے دل دیکھا

وہ نہ آئے تھے شب وعدہ مگر آنا پڑا

کیا اثر لایا مرا جذبۂ کامل دیکھا

ہم نے مانا کہ ہمیں بھول گیا بھول گیا

دل کو لیکن نہ تری یاد سے غافل دیکھا

لاکھ طوفان حوادث میں رہی کشتئ دل

میں نے مڑ کر نہ کبھی جانب ساحل دیکھا

عمر بھر عشق میں جاں کوئی ہے لیکن جوہرؔ

جز غم عشق نہ کچھ عشق کا حاصل دیکھا