jis ko bhi dekho tere dar ka pata puchhta hai
jis ko bhī dekho tire dar kā pata pūchhtā hai
qatra qatre se samundar kā pata pūchhtā hai
DhūñDtā rahtā huuñ ā.īne meñ aksar ḳhud ko
merā bāhar mire andar kā pata pūchhtā hai
ḳhatm hote hī nahīñ sañg kisī din us ke
roz vo ek na.e sar kā pata pūchhtā hai
DhūñDte rahte haiñ sab log lakīroñ meñ jise
vo muqaddar bhī sikandar kā pata pūchhtā hai
muskurāte hue maiñ baat badal detā huuñ
jab koī mujh se mire ghar kā pata pūchhtā hai
dar-o-dīvār haiñ mere ye ġhazal ke misre
kyā suḳhan-var se suḳhan-var kā pata pūchhtā hai
jis ko bhi dekho tere dar ka pata puchhta hai
qatra qatre se samundar ka pata puchhta hai
DhunDta rahta hun aaine mein aksar KHud ko
mera bahar mere andar ka pata puchhta hai
KHatm hote hi nahin sang kisi din us ke
roz wo ek nae sar ka pata puchhta hai
DhunDte rahte hain sab log lakiron mein jise
wo muqaddar bhi sikandar ka pata puchhta hai
muskuraate hue main baat badal deta hun
jab koi mujh se mere ghar ka pata puchhta hai
dar-o-diwar hain mere ye ghazal ke misre
kya suKHan-war se suKHan-war ka pata puchhta hai
- Book : Vajood (Pg. 122)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
