jis ko chaha tha na paya jo na chaha tha mila

jis ko chāhā thā na paayā jo na chāhā thā milā

baḳhshisheñ haiñ be-hisāb us kī hameñ kyā kyā milā

ajnabī chehroñ meñ phir ik āshnā chehrā milā

phir mujhe us ke ta.alluq se patā apnā milā

is chaman meñ phuul kī sūrat rahā maiñ chāk-dil

is chaman meñ shabnam-āsā maiñ sadā pyāsā milā

phir qadam uThne lage haiñ shahr-e-nā-pursāñ kī samt

mere pā-e-shauq ko to ek hī rasta milā

dekh kar us ko bhalā phir kis ko dekhā jaa.e hai

majma-e-aġhyār meñ bhī us se maiñ tanhā milā

yuuñ huā ruḳhsat rahī baaqī na milne kī umiid

yuuñ milā vo jaise muddat kā koī bichhḌā milā

jis ko chaha tha na paya jo na chaha tha mila

baKHshishen hain be-hisab us ki hamein kya kya mila

ajnabi chehron mein phir ek aashna chehra mila

phir mujhe us ke talluq se pata apna mila

is chaman mein phul ki surat raha main chaak-dil

is chaman mein shabnam-asa main sada pyasa mila

phir qadam uThne lage hain shahr-e-na-pursan ki samt

mere pa-e-shauq ko to ek hi rasta mila

dekh kar us ko bhala phir kis ko dekha jae hai

majma-e-aghyar mein bhi us se main tanha mila

yun hua ruKHsat rahi baqi na milne ki umid

yun mila wo jaise muddat ka koi bichhDa mila