jis ko duniya manti hai aap ka mera bhi hai

jis ko duniyā māntī hai aap kā merā bhī hai

aap kī manzil hai vo par rāsta merā bhī hai

jism tak kā mudda'ā merā nahīñ par ai raqīb

us ke aage jo bhī hai vo mudda'ā merā bhī hai

saarī duniyā māntī hai ḳhūb-sūrat aap haiñ

aur aisā hī yaqīnan mānñā merā bhī hai

tum mujhe chāho sarāho dekh lo par haath kī

in lakīroñ meñ tumhāre naam kyā merā bhī hai

yuuñ hī to in fāsloñ se dil mirā dukhtā nahīñ

kuchh na kuchh to yaar tujh se rābta merā bhī hai

maiñ gale lagtā huuñ lekin maiñ gale paḌtā nahīñ

had meñ behad huuñ magar ik dā.era merā bhī hai

jab talak māñge na koī mashvarā mat dījiye

aap logoñ ke liye ye mashvarā merā bhī hai

jis ko duniya manti hai aap ka mera bhi hai

aap ki manzil hai wo par rasta mera bhi hai

jism tak ka mudda'a mera nahin par ai raqib

us ke aage jo bhi hai wo mudda'a mera bhi hai

sari duniya manti hai KHub-surat aap hain

aur aisa hi yaqinan manna mera bhi hai

tum mujhe chaho saraho dekh lo par hath ki

in lakiron mein tumhaare nam kya mera bhi hai

yun hi to in faslon se dil mera dukhta nahin

kuchh na kuchh to yar tujh se rabta mera bhi hai

main gale lagta hun lekin main gale paDta nahin

had mein behad hun magar ek daera mera bhi hai

jab talak mange na koi mashwara mat dijiye

aap logon ke liye ye mashwara mera bhi hai