jis ko ehsas-e-gham nahin hota

jis ko ehsās-e-ġham nahīñ hotā

vo kabhī chashm-e-nam nahīñ hotā

yuuñ to azmat meñ ik farishte se

koī insāñ bhī kam nahīñ hotā

ishq meñ dāġh-e-dil ḳhudā rakkhe

chāñd sūraj se kam nahīñ hotā

ashk mizhgāñ pe hī larazte haiñ

qatra dariyā meñ zam nahīñ hotā

marg-e-bulbul pe aaj gulshan meñ

dīda-e-gul bhī nam nahīñ hotā

chārasāzoñ kī ab tasallī se

sadma-e-hijr kam nahīñ hotā

bevafā to zamāna rahtā hai

bā-vafā bhī sanam nahīñ hotā

ishq āsāñ nahīñ kisī kā 'asar'

kis kī zulfoñ meñ ḳham nahīñ hotā

jis ko ehsas-e-gham nahin hota

wo kabhi chashm-e-nam nahin hota

yun to azmat mein ek farishte se

koi insan bhi kam nahin hota

ishq mein dagh-e-dil KHuda rakkhe

chand suraj se kam nahin hota

ashk mizhgan pe hi larazte hain

qatra dariya mein zam nahin hota

marg-e-bulbul pe aaj gulshan mein

dida-e-gul bhi nam nahin hota

chaarasazon ki ab tasalli se

sadma-e-hijr kam nahin hota

bewafa to zamana rahta hai

ba-wafa bhi sanam nahin hota

ishq aasan nahin kisi ka 'asar'

kis ki zulfon mein KHam nahin hota