jis ko lagta hai gum-shuda hun main

jis ko lagtā hai gum-shuda huuñ maiñ

jaan le mujh ko zalzala huuñ meñ

maiñ bachātī huuñ bad-duāoñ se

maañ kī bhejī huī duā huuñ maiñ

kho gayā jo ghane añdheroñ meñ

us ujāle kā rāsta huuñ maiñ

mujh ko pahchān mere naaz uThā

terā apnoñ se rābta huuñ maiñ

nafratoñ ne diye haiñ jo tum ko

aise har dard kī davā huuñ maiñ

vaqt se haar kar na baiTh mujhe

phir bulā le tirī adā huuñ maiñ

maiñ sukūñ huuñ ḳhushī bhī huuñ 'sarhad'

kaun kahtā hai ġham-zada huuñ maiñ

jis ko lagta hai gum-shuda hun main

jaan le mujh ko zalzala hun mein

main bachati hun bad-duaon se

man ki bheji hui dua hun main

kho gaya jo ghane andheron mein

us ujale ka rasta hun main

mujh ko pahchan mere naz uTha

tera apnon se rabta hun main

nafraton ne diye hain jo tum ko

aise har dard ki dawa hun main

waqt se haar kar na baiTh mujhe

phir bula le teri ada hun main

main sukun hun KHushi bhi hun 'sarhad'

kaun kahta hai gham-zada hun main