jis ko wo naqsh-e-pa nahin milta

jis ko vo naqsh-e-pā nahīñ miltā

zarra bhī ḳhaak kā nahīñ miltā

log to rote haiñ ġham-e-dil ko

ham ko dil kā patā nahīñ miltā

kis nujūmī se pūchhiye jā kar

yaar miltā hai yā nahīñ miltā

kyoñ mire paas aa.e vo jab tak

jism se sar judā nahīñ miltā

dil ke do harf vo bhī aapas meñ

ek se dūsrā nahīñ miltā

marnā hai ḳhvāb-e-zīst kī ta.abīr

ḳhvāb meñ jo milā nahīñ miltā

kar chuke sair bhī do-ālam kī

ek bhī aap sā nahīñ miltā

kis sarā meñ musāfir aa utrā

zindagī kā mazā nahīñ miltā

jis ne dushman bhulā diye saare

ham ko vo āshnā nahīñ miltā

jo dar-e-kār-sāz tak pahuñche

us ko 'nāyāb' kyā nahīñ miltā

jis ko wo naqsh-e-pa nahin milta

zarra bhi KHak ka nahin milta

log to rote hain gham-e-dil ko

hum ko dil ka pata nahin milta

kis nujumi se puchhiye ja kar

yar milta hai ya nahin milta

kyon mere pas aae wo jab tak

jism se sar juda nahin milta

dil ke do harf wo bhi aapas mein

ek se dusra nahin milta

marna hai KHwab-e-zist ki tabir

KHwab mein jo mila nahin milta

kar chuke sair bhi do-alam ki

ek bhi aap sa nahin milta

kis sara mein musafir aa utra

zindagi ka maza nahin milta

jis ne dushman bhula diye sare

hum ko wo aashna nahin milta

jo dar-e-kar-saz tak pahunche

us ko 'nayab' kya nahin milta