jis kun mulk-e-be-KHudi ka raj hai

jis kuuñ mulk-e-be-ḳhudī kā raaj hai

hai zamīñ taḳht aur bagūlā taaj hai

ḳhvāb meñ vo zulf-e-mushkīñ dekhnāñ

haq meñ mere lailt-ul-merāj hai

dekh kar lashkar ġhanīm-e-ishq kā

kishvar-e-aql-o-ḳhirad tārāj hai

ai tabīb-e-mehrbāñ bīmār-e-hijr

sharbat-e-dīdār kā muhtāj hai

yaar kī āñkhoñ meñ hai jaisī hayā

chashm-e-nargis meñ kahāñ ye laaj hai

us kamāñ-abrū ke tīr-e-nāz kā

sīna-chākoñ kā jigar āmāj hai

dil mirā tujh ġham siiñ ai jān-e-'sirāj'

beshtar be-tāb kal siiñ aaj hai

jis kun mulk-e-be-KHudi ka raj hai

hai zamin taKHt aur bagula taj hai

KHwab mein wo zulf-e-mushkin dekhnan

haq mein mere lailt-ul-meraj hai

dekh kar lashkar ghanim-e-ishq ka

kishwar-e-aql-o-KHirad taraj hai

ai tabib-e-mehrban bimar-e-hijr

sharbat-e-didar ka muhtaj hai

yar ki aankhon mein hai jaisi haya

chashm-e-nargis mein kahan ye laj hai

us kaman-abru ke tir-e-naz ka

sina-chaakon ka jigar aamaj hai

dil mera tujh gham sin ai jaan-e-'siraj'

beshtar be-tab kal sin aaj hai