jis ne nashad kiya nam tumhaara kyon ho

jis ne nāshād kiyā naam tumhārā kyoñ ho

tum pe ilzām mire dost gavārā kyoñ ho

shab sisakte hue guzrī ho bhalā kyoñ merī

rote rote meñ koī din bhī guzārā kyoñ ho

saaf kapḌoñ meñ magar dekh ke jalte haiñ amiir

bas meñ un ke ho mujhe naan kā paarā kyoñ ho

bhūk-o-iflās kā hai raaj yahāñ chāroñ taraf

apnī dhartī kā hī gardish meñ sitārā kyoñ ho

bil-yaqīñ aur kisī ne hai use uksāyā

phuul ke mujh se mirā dost ġhubbāra kyoñ ho

maiñ ne jis raah pe khaa.ī hai shikast ai logo

aise jaada se guzar apnā dobāra kyoñ ho

jo bhī nuqsān huā mujh se izāla lenā

sach to ye hai ki mohabbat meñ ḳhasāra kyoñ ho

mujh ko taqdīr se be-vaj.h shikāyat hī rahī

khīñch qismat ne mujhe farsh pe maarā kyoñ ho

jis ne har haal meñ ġhurbat meñ tirā saath diyā

aaj amīrī meñ 'rashīd' us se kināra kyoñ ho

jis ne nashad kiya nam tumhaara kyon ho

tum pe ilzam mere dost gawara kyon ho

shab sisakte hue guzri ho bhala kyon meri

rote rote mein koi din bhi guzara kyon ho

saf kapDon mein magar dekh ke jalte hain amir

bas mein un ke ho mujhe nan ka para kyon ho

bhuk-o-iflas ka hai raj yahan chaaron taraf

apni dharti ka hi gardish mein sitara kyon ho

bil-yaqin aur kisi ne hai use uksaya

phul ke mujh se mera dost ghubbara kyon ho

main ne jis rah pe khai hai shikast ai logo

aise jada se guzar apna dobara kyon ho

jo bhi nuqsan hua mujh se izala lena

sach to ye hai ki mohabbat mein KHasara kyon ho

mujh ko taqdir se be-wajh shikayat hi rahi

khinch qismat ne mujhe farsh pe mara kyon ho

jis ne har haal mein ghurbat mein tera sath diya

aaj amiri mein 'rashid' us se kinara kyon ho