جس نے نہیں دکھ ہستی میں سہا دکھ درد کی باتیں کیا جانے

جس نے نہیں دکھ ہستی میں سہا دکھ درد کی باتیں کیا جانے

غربت کے الم میں ٹوٹی چھت بھیگی برساتیں کیا جانے

اس نور کا جو بھی منکر ہے اندھا ہے اندھیرے کا باسی

وہ شمس و قمر کو کیا جانے تاروں کی براتیں کیا جانے

جو سود و زیاں کا بندہ ہے دل اس کا ہوس کا پھندا ہے

انساں سے مروت کیا جانے دکھ کی سوغاتیں کیا جانے

کچھ میر حرم میں نخوت تھی کچھ کور بصیرت بھی تھا وہ

پہچان نہ ہو دشمن کی جسے دشمن کی وہ گھاتیں کیا جانے

وہ ہار کے بازی جیت گیا میں جیت کے سب کچھ ہار گئی

مجھ ایسی سادہ دل لڑکی بازی و بساطیں کیا جانے

کچھ دکھ تو ملے تقدیر سے تھے کچھ اس پر اضافہ اس نے کیا

وہ شہر نگاراں کا باسی سولی پہ یہ راتیں کیا جانے