jis ne tujhe KHalwat mein bhi tanha nahin dekha
jis ne tujhe KHalwat mein bhi tanha nahin dekha
Agha Shayar Qazalbash
MORE BYAgha Shayar Qazalbash
jis ne tujhe ḳhalvat meñ bhī tanhā nahīñ dekhā
us dekhne vaale kā kaleja nahīñ dekhā
uf uf vo uchaTtī sī nigāh-e-ġhalat-andāz
is tarah se dekhā hai ki goyā nahīñ dekhā
jis gul ko ye sab DhūñDtī phirtī haiñ havā.eñ
tū ne to use nargis-e-shahlā nahīñ dekhā
dam āñkhoñ meñ aTkā hai ḳhudā ke liye aao
phir ye na gila ho mirā rastā nahīñ dekhā
'shā.ir' ye ġhazal likkhī hai yā jaḌ diye motī
duniyā meñ qalamkār bhī aisā nahīñ dekhā
jis ne tujhe KHalwat mein bhi tanha nahin dekha
us dekhne wale ka kaleja nahin dekha
uf uf wo uchaTti si nigah-e-ghalat-andaz
is tarah se dekha hai ki goya nahin dekha
jis gul ko ye sab DhunDti phirti hain hawaen
tu ne to use nargis-e-shahla nahin dekha
dam aankhon mein aTka hai KHuda ke liye aao
phir ye na gila ho mera rasta nahin dekha
'shair' ye ghazal likkhi hai ya jaD diye moti
duniya mein qalamkar bhi aisa nahin dekha
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
