جس پہ نیتا کی نظر صبح رہے شام رہے

جس پہ نیتا کی نظر صبح رہے شام رہے

دھونس میں اس کی نہ کیوں گردش ایام رہے

حسن فیشن سے جو ہر وقت کھلے عام رہے

نوجوانوں کو نہ کیوں عشق کا سرسام رہے

سر پہ سسرال میں ہر شخص بٹھاتا ہے مجھے

جب تلک جیب میں سرکار مری دام رہے

جس نے لی ہاتھ میں رشوت اسے پکڑا لیکن

حکم تھا جن کا وہ گم نام تھے گم نام رہے

دیکھتے جائیے کچھ دور نہیں ہے وہ وقت

حسن سڑکوں پہ رہے عشق سر بام رہے

مار کھائی تری الفت میں ہمیں نے اے دوست

ہائے قسمت کہ ہمیں مورد الزام رہے

مٹ گئے سارے تعصب یہ مزا ہے ناوکؔ

شیخ کے ساتھ ہی جب جیل میں گمنام رہے