jis qadar sunta hun mashshaq hue jate hain

jis qadar suntā huuñ mashshāq hue jaate haiñ

zahr ke 'aib bhī tiryāq hue jaate haiñ

ham bhī kuchh band kitāboñ kī tarah haiñ lekin

aap ke sāmne aurāq hue jaate haiñ

dūsre darje ke logoñ se ta'alluq rakh kar

aa.e din aap bad-aḳhlāq hue jaate haiñ

ye ḳhabar qāfile vāloñ ko batā dī jaa.e

rahnumā qaum ke qazzāq hue jaate haiñ

mere sūraj ko chhupāne ke liye har lamha

vo mire vāste āfāq hue jaate haiñ

dard kī sham' mire dil meñ faqat jalne se

yād-e-māzī ke siyah taaq hue jaate haiñ

aap to aap haiñ qatra hoñ yā dariyā sāhib

aap kyoñ hazrat-e-'misdāq' hue jaate

jis qadar sunta hun mashshaq hue jate hain

zahr ke 'aib bhi tiryaq hue jate hain

hum bhi kuchh band kitabon ki tarah hain lekin

aap ke samne auraq hue jate hain

dusre darje ke logon se ta'alluq rakh kar

aae din aap bad-aKHlaq hue jate hain

ye KHabar qafile walon ko bata di jae

rahnuma qaum ke qazzaq hue jate hain

mere suraj ko chhupane ke liye har lamha

wo mere waste aafaq hue jate hain

dard ki sham' mere dil mein faqat jalne se

yaad-e-mazi ke siyah taq hue jate hain

aap to aap hain qatra hon ya dariya sahib

aap kyon hazrat-e-'misdaq' hue jate