jis sabr-o-raza se tere raste pe rawan hun

jis sabr-o-razā se tire raste pe ravāñ huuñ

bātil ke irādoñ ke liye koh-e-girāñ huuñ

ai māh-e-munavvar tujhe us dar kī qasam hai

rasta ve sujhā de ki maiñ ik pal meñ vahāñ huuñ

aanā na gavārā ho agar kūche se un ke

marqad mirā kar diije farastāda jahāñ huuñ

afkār na jazboñ kī pazīrā.ī jahāñ meñ

ab apne hī idrāk se maiñ ḳhud bhī nihāñ huuñ

shunvā.ī mirī zaat kī jis dar se muqaddar

sar-basta liye raaz sabhī us pe ayaañ huuñ

yuuñ dāman-e-rahmat ne chhupā rakkhā hai mujh ko

gardish mujhe ab DhūñDtī phirtī hai kahāñ huuñ

jis sabr-o-raza se tere raste pe rawan hun

baatil ke iradon ke liye koh-e-giran hun

ai mah-e-munawwar tujhe us dar ki qasam hai

rasta we sujha de ki main ek pal mein wahan hun

aana na gawara ho agar kuche se un ke

marqad mera kar dije farastada jahan hun

afkar na jazbon ki pazirai jahan mein

ab apne hi idrak se main KHud bhi nihan hun

shunwai meri zat ki jis dar se muqaddar

sar-basta liye raaz sabhi us pe ayan hun

yun daman-e-rahmat ne chhupa rakkha hai mujh ko

gardish mujhe ab DhunDti phirti hai kahan hun