جس سے اس دل میں نور ہوتا ہے
جس سے اس دل میں نور ہوتا ہے
کب مرے دل سے دور ہوتا ہے
ذکر میں تیرے فکر میں تیری
اک عجب سا سرور ہوتا ہے
جب سے پایا ہے خود کو تجھ دل میں
خود پہ مجھ کو غرور ہوتا ہے
اس کو سمجھیں گے کیا جہاں والے
کیسے دل کوہ طور ہوتا ہے
جتنا چاہا تجھے لگا کم ہے
عشق پہ کب عبور ہوتا ہے
جب وہ آتے ہیں یہ حقیقت ہے
چاروں سو نور نور ہوتا ہے
دل سنبھالو نہ خاک ہو جائے
عشق میں کب شعور ہوتا ہے
اس کا پل بھر میں ہو گیا عادلؔ
ذکر یہ دور دور ہوتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
