jis shaKHs ne bhi khae hain sangin zaKHm-e-dil

jis shaḳhs ne bhī khaa.e haiñ sañgīn zaḳhm-e-dil

dete usī ko haiñ yahāñ taskīn zaḳhm-e-dil

be-rañg ho ga.e haiñ gol-o-sabza-o-bahār

lekin abhī talak haiñ ye rañgīn zaḳhm-e-dil

hañs kar mazāq jab bhī uḌāyā hai dard kā

tab tab lagā ki ho ga.e ġhamgīn zaḳhm-e-dil

baiThī huī thiiñ taḳht pe ḳhushiyāñ to ThaaT se

un ko haTā ke ho ga.e āsīn zaḳhm-e-dil

ruḳh hai udaas ashk haiñ āñkhoñ meñ be-shumār

karne lage haiñ ishq kī tauhīn zaḳhm-e-dil

maiñ ne kahā hare hī raheñ umr bhar 'anā'

kahne lage the jhaT se hī āmīn zaḳhm-e-dil

jis shaKHs ne bhi khae hain sangin zaKHm-e-dil

dete usi ko hain yahan taskin zaKHm-e-dil

be-rang ho gae hain gol-o-sabza-o-bahaar

lekin abhi talak hain ye rangin zaKHm-e-dil

hans kar mazaq jab bhi uDaya hai dard ka

tab tab laga ki ho gae ghamgin zaKHm-e-dil

baiThi hui thin taKHt pe KHushiyan to ThaT se

un ko haTa ke ho gae aasin zaKHm-e-dil

ruKH hai udas ashk hain aankhon mein be-shumar

karne lage hain ishq ki tauhin zaKHm-e-dil

main ne kaha hare hi rahen umr bhar 'ana'

kahne lage the jhaT se hi aamin zaKHm-e-dil